"albamsigit"
Prapatan Jeruk Wonosari
Sorot lampu dalan wis murup padhang,
Aku isih ngadek ngadhang,
Prapatan Jeruk sangsaya rame,
Ngalahke atiku sing sangsaya sepi.
Sorot lampu kendaraan murup sliweran,
Ora nambah padhang atiku,
Atiku sing isih ngadhang,
Wewayangan sing wis kliwat jaman.
Prapatan Jeruk aku pamit,
Lakuku setengah mlayu,
Rikat banter koyak wewayangan,
Wewayanganku dhewe sing wis ndak lalek'ke.
Prapatan Jeruk wiwit sepi,
Nanging atiku walik rame,
Ana apa iki?
Rame tembang lawas kang ngumandhang.
Gunungkidul, 24 Juni 2011
No comments:
Post a Comment