"albamsigit"
TANDA TRESNA
Dina iki aku arep mangan apa?
Cukup tanda tresna!
Tresna kang lair lan batin,
Tansah dadi greget anggonku ngupaya upa.
Dina iki arep ngapa?
Nglelipur ati,
Cukup tanda tresna tulus lan ikhlas,
Tansah dadi panggugah lan semangat.
Dina iki,
Dina kang seje wingi,
Tanda Tresnamu bebungahing GUSTI,
Tansah winadi mbesuk tumekaning janji.
Tanda Tresnaku,
Awakku lan tetesing riwe kringetku,
Tanda tresnaku,
Pasrahing ikhlasku lan sembah sujudku marang GUSTIku.
Maguwoharjo, 11 Juni 2011
No comments:
Post a Comment